په کونړ ولایت کې 30 زیانمنو کورنیو ته غیر خوراکي توکې ووېشل شول
کونړ - د غویي 21مه - 1400
د کونړ ولایت پيښو پر وړاندې د چمتووالي ریاست د IOM موسسې سره په همکاري, د وروستیو اورښتونو له امله په اسعداباد، مره وره او وټه پور ولسوالیو کې 6 زیانمنو کورنیو ته د غیر خوراکي توکو مرسته ترسره کړه, چې هرې کورنۍ ته یې 1 فامیلي کېټ، 3 تختې کمپلې او 1 سولر لایټ ووېشل.
همدا راز د یاد ولایت پېښو پر وړاندې د چمتوالي ریاست د UNICEF موسسې سره په همکاري, 24 کورنیو ته چې د اورښتونو له امله زیانمنې شوي وې, د غیر خوراکي توکو مرستې ووېشلې, چې هرې کورنۍ ته 3 تختې کمپلې، 1 فامیلي کېټ، 1 تخته ترپال، 1 د اوبو سطل، 1 لاس پاک، 1 د غاښونو کریم کېټ او یو ځل مصرفي د خوراک لوښي ووېشل شول.
