په کونړ ولایت کی 28 زیانمنو کورنیو سره د خوراکي او غیر خوراکي توکو مرسته ترسره شوه
د کونړ ولایت پېښو پر وړاندې چمتووالي ریاست د یونیسیف موسسې سره په همکارۍ، ۲۸ کورنیو ته چې د طبیعي پېښو له امله په مرورې¸ څوکې او دره پیج ولسوالیو کې زیانمنې شوي وې، وروسته له سروې د اضطرار کمېټې استازو په شتون یادو کورنیو ته خوراکي او غیر خوراکي توکې ووېشل شول. پدې مرستو کې 14 کیټه ژمني البسه، 14 فامیلي کیټونه، 14 بورۍ اوړه 50 کیلویي، 14 پاکټه لوبیا 10 کیلویي، 14 قطي غوړي 10 لیټره، 14 پاکټه بوره 7 کیلویي، 14 پاکټه شین چای 1 کیلویي شامل و.
