د وزارت د دفتر ریاست د ولایتي چارو نوی آمر معرفی او کار یې پیل کړ
کابل- د شوال المکرم- ۲۲مه- ۱۴۴۳- د جوزا ۲مه-۱۴۰۱
محترم مولوي محمد حشم شوقي، د محترم الحاج ملا محمد عباس آخند پېښو ته د رسېدو په چارو کې د دولت وزیر د حکم پر بنسټ، د پېښو ته د رسېدو په چارو کې د دولت وزارت، د دفتر ریاست د ولایتي چارو د نوي آمر په توګه وټاکل شو.
محترم مولوي عبدالخالق عابد د وزارت د دعوت او ارشاد رییس د دندې په چارو کې د یووالي، همغږي او همکاري په یادولو سره وویل: اړتیا ده ترڅو خپلې دندې د اسلام مبین دین د ارشادونو پر بنسټ ترسره کړو. نوموړي همدرانګه د ښاغلي شوقي د ټاکلېدو ته په مبارکي سره هغه ته یې له لوی خدای څخه د کامیابي هیله څرګنده کړه.
ورپسې محترم مولوي عبدالرحمن آخندزاده، د ادارې د دفتر رییس چې ښاغلۍ شوقي یې کارکونکو ته ور پېژانده وویل: دولتي پسټ یو امانت او یو مسوولیت دی نه امتیاز، هغه همدارنګه له خدای ج څخه ورته د بریالیتوب هیله مندي وښودله.
