اوزبیکستان د سویل ختیځ ولایتونو زلزله ځپلو لپاره ۴۰ ټنه بشري مرستې ترسره کړې
کابل- د چنګاښ ۴مه-۱۴۰۱
د اوزبیکستان جمهوریت په پکتیکا، پکتیا او خوست ولایتونو کې د زلزلې له امله زیانمن شویو ته ۴۰ ټنه بشري مرستې ترسره کړې.
عصمت الله ایرګاشیف د افغانستان لپاره د یاد هېواد د ولسمشر ځانګړي استازي وویل: چې موږ د افغانستان له ولس سره ډېری مشترکات لرو او موږ د دې مظلومو خلکو په غم کې ځانونه شریک ګڼو، نو ځکه د اوزبیکستان ولسمشر، د دې هیواد ولس لپاره مرستې په پام کې نیولي چې ۴۰ ټنه یې نن ولېږل شوې. نوموړي وویل چې په دغو مرستو کې ۲۰ اوړه، ۱۱ ټنه غوړي، کالي او درمل شامل دي چې یوه بله جوپه به یې تر سبا کابل ته را ورسېږي.
ورته مهال، محمد نسیم حقانی پېښو ته د رسېدو په چارو کې د دولت وزارت د اطلاعاتو او عامه اړیکو رییس، چې دغه مرستې یې د کابل نړیوال هوایی ډګر کې واخیستې د اوزبیکستان ولسمشر څخه یې مننه وکړه او د افغانستان خلکو لپاره د دغو مرستو د دوام غوښتونکۍ شو.
