د شهیدانو او امنیتې ځواکونو ټپیانو ۵۴۵ کورنیو ته خوراکې او غیر خوراکې توکې وویشل شول.
د شهید اوونې په مناسبت نن د وږی ۲۴ د ۹۸ کال د کابل ولایت د پیښو پر وړاندې چمتووالې په ریاست کښې د ښاغلی مطیع الله صافی د پیښو په چارو کې د دولت وزارت مالې او ادارې مرستیال، محمد یعقوب حیدری د کابل ولایت والې او دل آقا صوفی زاده د شهیدانو په چارو کې د دولت وزارت مالې او ادارې مرستیال په ګډون د شهیدانو کورنیو او د امنیتې ځواکونو ټپیانو لپاره د خوراکې او غیر خوراکې توکو د ویش پروګرام ترسره شو.
مطیع الله صافی پیښو ته د رسیدو په چارو کې د دولت وزارت مالې او ادارې مرستیال د پیښو پر وړاندې د چمتووالې اداری دندو او فعالیتونو ته په اشاری سره وویل: تیر کال دی اداری د افغانستان اسلامې جمهوریت عالې مقام د حکم پر بنسټ له ۹۲ زرو مټریک ټنو څخه زیات غنم د وچکالی له امله زیانمن شویو، د شهیدانو کورنیو او د امنیتې ځواکونو ټپیانو ته ویشلي دي.
پیښو ته د رسیدو په چارو کې د دولت وزارت مالې او اداري مرستیال زیاته کړه: دغه وزارت د شهید اووني په مناسبت شهیدانو او د امنیتې ځواکونو ټپیانو ته په درنښت د شهیدانو او امنیتې ځواکونو ټپیانو ۵۴۵ کورنیو ته ۱۵۰ کیلو غنم، ۵۰ کیلو وریجې، ۳ جوړه بوټان، ۲ دانی د اوبو سطلونه، او ۴ دانی د اوبو بوشکی وویشلی.
ښاغلی صافی وویل چي دغه وزارت د ملې او نړیوالو موسسو سره د همکاری په لړ کي د روان کال له پیل څخه تر اوسه ۳۵۰۰۰ کورنیو ته خوراکې، ۱۵۰۸۸ کورنیو ته غیر خوراکې او ۳۲۲۵ کورنیو ته نقدي پیسی وویشلی.
ورته مهال د کابل ولایت والې محمد یعقوب حیدری شهیدانو او د امنیتې ځواکونو ټپیانو ته د پیښو په چارو کې د دولت وزارت مرستو څخه د ستاینې پر مهال د ټپیانو او شهیدانو لپاره د مرستو همغږي کولو غوښتونکې شو.
د کابل ولایت والې زیاته کړه: د افغانستان اسلامي جموریت رئیس د لارښوونې پر بنسټ په کابل ولایت کې د معلولینو او شهیدانو چارو وزارت له لاري د لومړی ځل لپاره د ۱۰۰۰۰ شهیدانو کورنیو ته د خوراکې توکو کوپون وویشل شوي. او هغه وویل چي د کابل ولایت مقام به نژدی راتلونکې کې د شهیدانو ۱۳۰۰۰ کورنیو ته هستوګن ځایونه وویشي.
د شهیدانو په چارو کې د دولت وزارت مالي او اداري مرستیال وویل: دی وزارت ۳۵ تړون لیکونه د دولتي او غیر دولتي ادارو سره لاسلیک کړي چي موخه یی د جنګ قربانیانو او معلولینو ته رسیدل ده.
د یادوني وړ ده چي پیښو ته د رسیدو په چارو کې د دولت وزارت د هیواد په کچه ټولو زیانمن شویو ته د بیړنیو بشري مرستو رسولو لپاره ژمن دی.
