په بیړنیو حالاتو کې د اړیکو ټینګښت ملي پلان د جوړیدو لومړنۍ ناسته ترسره شوه
په بیړنیو حالاتو کې د اړیکو ټینګښت ملي پلان د جوړیدو لومړنۍ ناسته د پیښو په چارو کي د دولت وزارت مالې او ادارې مرستیال مطیع الله صافی تر مشرۍ لاندې د اترا اداری استازو، او پیښو ته د رسیدو په چارو کې د دولت وزارت رییسانو او آمرینو په ګډون ترسره شوه.
په دی جلسه کې زرغونه جمالزی د اترا اداری بورډ غړي پیښو ته د رسیدو په چارو کې د دولت وزارت سره د تجهیزاتو په برخه کې د اترا اداری همکاری ته په اشاري سره وویل: اترا اداره هوډمنه ده ترڅو په بیړنیو حالاتو کې د اړیکو ټینګښت ملي پلان جوړ کړې او د پیښو ته د رسیدو په چارو کي د دولت وزارت څخه یی د دی وزارت قوانینو، مقرراتو، اسټراسټیژې او پالیسیو شریکولو غوښتنه وکړه.
همدا مهال پیښو ته د رسیدو په چارو کي د دولت وزارت مالې او ادارې مرستیال د اترا اداری څخه په ستایني سره په بیړنیو حالاتو کي د اړیکو ټینګښت او د پیښې نورو پړاوونو د اړین پیژندلو سره وویل: دا وزارت کولای شې له تاسو سره د معلوماتو شریکولو او په بیړنیو حالاتو کي د اړیکو ټینګښت سیسټم جوړولو په برخه کي همکارې وکړې.
د ناستي په اخیره کي په لاندینۍ مواردو هوکړه وشوه.
1.په بیړنیو حالاتو کي د اړیکو ټینګښت ملې پلان جوړولو لپاره د پیښو پر وړاندې چمتووالي اداری تخنیکې ټیم معرفي کول؛
2.د پیښو پر وړاندي چمتووالي اداری څخه د غوښتل شویو اسنادو تنظیم کول؛
3.په راتلونکې اونۍ کې د پیښو پر وړاندي چمتووالي عالې کمیسیون غړو ترمینځ د همغږي ناسته ترسره کیدل؛
4. د پیښو پر وړاندي چمتووالي عالې کمیسیون کې د اترا اداری غړیتوب تعقیب کول؛
5.دی وزارت ته اړمنو تجهیزاتو وړاندي کولو لپاره د اترا اداری همکاری او ملاتړ؛
