جلسه کمیسیون دولتی مبارزه با حوادث در ولایت میدان وردک برگزار شد
په میدان وردګ ولایت کې پېښو سره د مبارزې دولتي کمېسیون غونډه ترسره شو
پېښو ته د رسېدو په چارو کې د دولت وزیر په میدان وردګ ولایت کې پېښو سره د مبارزې دولتي عالي کمیټې غړو سره په یوه ناسته کې وویل: پېښو پر وړاندې د مخکینیو تدابیرو نیول او زیانمن شوو ته په بېړه سره رسېدنه پېښو ته د رسېدو په چارو کې د دولت وزارت له مهمو لومړیتوبونه څخه دي.
دغه ناسته د ښاغلي غلام بهاوالدین جیلاني پېښو ته د رسېدو په چارو کې د دولت وزیر په مشرۍ د ډګر جنرال عبدالیمین مظفرالدین د ولایت والي, د ولایتي شورا رییس او غړو, په ولسي جرګه کې د میدان وردګ ولایت د خلکو استازو, د سیمه ییزو ادارو رییسانو او یو شمېر مشرانو په ګډون په میدان وردک ولایت کې ترسره شوه.
غلام بهاوالدین جیلاني پېښو ته د رسېدو په چارو کې د دولت وزیر د افغانستان اسلامي جمهوریت جمهور رییس جلالتمآب محمد اشرف غني, عزت مآب ښاغلي امرالله صالح د جمهوري ریاست لومړۍ مرستیال او پېښو سره د مبارزې دولتي عالي کمېسیون رییس د خواښوګي او غم شریکۍ پیغام په ډاکه کولو ترڅنک شهیدانو ته په دعا کولو سره وویل: زموږ دنده ایجاب کوي ترڅو د هېواد په لریو پرتو سیمو کې د خلکو پر وړاندې ستونزې او ننګونې له نږدې ولیدل شي او لازمې رسېدنې ترسره شي.
پېښو ته د رسېدو چارو کې د دولت وزیر زیانمن شوو ته د بشر پالنو مرستو په وېش کې پر رونټیا ټینګار کولو سره وویل: ۵۰۰۰ کورنیو ته د خوراکي توکو , ۲۰۰ کورنیو ته غیر خوراکي توکو او ۱۰ میلیونه افغانۍ لېږدولو لړۍ د سیلاب له امله زیانمن شوو ته د رسېدو په پار په دی ولایت کې پیل شوه.
وروسته ښاغلي ډګر جنرال عبدالیمین مظفرالدین د ولایت والي, د ولایتي شورا رییس, په ولسي جرګه کې د میدان وردګ ولایت خلکو استازو, متنفذینو او د دی ولایت یو شمېر مشرانو پېښو ته د رسېدو په چارو کې د دولت وزیر ته په خپلو خبرو کې د ستونزو, ننګونو او وړاندیزونو یادونه وکړه او په دی هکله یې د پاملرنې غوښتنه وکړه.
