800 زیانمنو او اړمنو کورنیو په کابل کې خوراکي او غیر خوراکي توکي ترلاسه کړل
کابل-د وړي10مه 1401
پېښو ته د رسېدو په چارو کې د دولت وزارت, د بشري مرستو په دوام کې, 800 زیانمن شویو او اړمنو کورنیو ته د خوراکي او غیر خوراکي توکو د وېش لړۍ پیل کړه. د دغو مرستو د وېش په پروګرام کې محترم ملاجانان سایق د بېړنیو حالاتو د عملیاتو د مرکز رییس د مرستو د روڼتیا په اړه وویل چې نن 800 زیانمن شویو او اړمنو کورنیو ته په کابل کې د خوراکي او غیر خوراکي توکو د وېش لړۍ پیل شوه, چې هرې کورنۍ ته به له دغو مرستو یوه بورۍ غنم 50 کیلویي, یوه بورۍ وریجې 50 کیلویي, یو عدد سفري بستره او یو عدد د اوبو سطل ووېشل شي. ښاغلي سایق زیاته کړه: د ا.ا.ا له بریا څخه تر اوسه په ټول هیواد کې د ملي او نړیوالو موسسو په همکاري سره 161 زرو څخه زیاتو کورنیو ته بشري مرستې وېشل شوي دي او دغه لړۍ روان ده. ورپسې ښاغلي مولوي محمد خوشحال زماني د کابل ولایت پېښو سره د مبارزې رییس په کابل کې د بشري مرستو د وېش لړۍ په اړه وویل: د کابل په ولسوالیو کې د وېش لړۍ روانه ده او دغه مرستې نورو اړمنو ته هم وېشل کېږي.
