د پکتیا ولایت له پېښو سره د مبارزې آمادګۍ ریاست ۷۱۹ داخلي بېځایه شوو کورنیو ته نغدي مرستې ووېشلې
د پکتیا ولایت له پېښو سره د مبارزې آمادګۍ ریاست د AWCPO مؤسسې په همکارۍ، چې د پروژې تمويل کوونکی یې د خوړو نړیوال پروګرام (WFP) دی، ۷۱۹ کورنیو ته چې د دې ولایت له ډنډ پټان او احمد خېل ولسوالیو څخه د وروستیو جګړو له امله بېځایه شوې وې او احمد خېل ولسوالۍ کې په لنډ مهاله ډول ځای پر ځای شوې دي، تر سروې وروسته نغدي مرستې ووېشلې.
په دې بهیر کې هرې کورنۍ ته د مسؤلینو په شتون کې، ۵,۸۰۰ افغانۍ ووېشل شوې، چې د نغدو مرستو ټولیزه اندازه څلور میلیونه او یو لک او اویا زره او دوه سوه (۴,۱۷۰,۲۰۰) افغانۍ کېږي.
نېټه : ۱۴۴۷/۱۲/۰۶ هـ ق
له پېښو سره د مبارزې آمادګۍ اداره
