په پغمان والسوالي کې د اورلګېدو له امله د رامنځته شویو تلفاتو او زیانونو لومړني ارقام
د کابل ولایت له پیښو سره د مبارزې آمادګۍ ریاست د لومړني راپور له مخې، د یادې ادارې او د کورنیو چارو وزارت د اور وژنې ادارې د ګډو ټیمونو د لومړنیو سروی او ارزونې پر بنسټ، د کابل ولایت په پغمان ولسوالۍ کې د قلعه حیدرخان په سیمه کې د اورلګېدو پېښې له امله له بده مرغه دوه تنه شهیدان، ۲۶ تنه ټپیان، او ۸۱ تنه برسېرن ټپیان شوي دي.
همدارنګه، شرکتونو، سوداګرو او کسبهکارانو ته له ۱٫۲۰۰٫۰۰۰ (یو میلیون او دوه سوه زره) ډالرو څخه زیات مالي زیان اوښتی دی.
د یادونې وړ ده چې، دا لومړني ارقام دي او د سروی او ارزونې د جریان له امله د بدلون وړ دي.
۱۴۴۶/۵/۱
له پېښو سره د مبارزې آمادګۍ ملي اداره
