د پروان ولایت له پېښو سره د مبارزې آمادګۍ ریاست د سیاګرد ولسوالۍ د فنډقستان درې د سړک د بیارغونې کار پیل کړ
له پېښو سره د مبارزې آمادګۍ ادارې د لوی رئیس، محترم الحاج ملا نورالدین ترابي په لارښوونه، د پروان ولایت له پېښو سره د مبارزې آمادګۍ ریاست د سیاګرد ولسوالۍ د فنډقستان درې د هغه سړک د بیارغونې کار پیل کړی، چې د وروستیو سختو بارانونو او ناڅاپي سېلابونو له امله سخت زیانمن او ویجاړ شوی و.
د یاد سړک له تخنیکي سروې او ارزونې وروسته، د پروان ولایت له پېښو سره د مبارزې آمادګۍ ریاست د سړک د بیارغونې عملي چارې پیل کړې. د معلوماتو له مخې، د فنډقستان درې شاوخوا ۶ کیلومتره سړک د سېلابونو له امله ویجاړ شوی و، چې د خلکو پر تګ راتګ یې منفي اغېز کړی و.
د یادې ستونزې د هوارولو په موخه، د پروان ولایت له پېښو سره د مبارزې آمادګۍ ریاست یو عراده اسکواټور په کرایه نیولی او د بیارغونې د چارو د چټک ترسره کېدو لپاره یې په ساحه کې په کار لګولی دی، څو د سیمې اوسېدونکو ته د تګ راتګ آسانتیاوې بېرته برابرې شي.
نېټه:۱۴۴۸/۲/۱۲ هـ ق
له پېښو سره د مبارزې آمادګۍ اداره
