له پېښو سره د مبارزې آمادګۍ ملي ادارې او مېشن ایسټ موسسې ترمنځ د ګدو همکاریو تفاهم نامه لاسلیک شوه*
نن ورځ سه شنبه له غرمې وروسته له پېښو سره د مبارزې آمادګۍ ملي ادارې سرپرست الحاج ملا نورالدین ترابي او د مېشن ایسټ مؤسیسې له عمومي رئيس سبرتادي او ددې مؤسیسې د پروګرامونو مسئول سهراب کاکړ سره وکتل.
ترابي صاحب په دې ناسته کې د خلکو سره د مرستې په برخه کې د مؤسیسو د مرستو هرکلی وکړ او ویې ویل چې موسیسې باید خپلې مرستې له هر موسم سره سم او د خلکو اړتیاوو ته په پام کي نیولو سره وکړي.
نوموړي همدا راز وویل چې موږ ستاسو د مرستو رسولو لپاره زمینه برابروو او تاسو باید په خپلو چارو کې چټکتیا راولئ.
ورسته دمیشن ایسټ مؤسیسې رئیس سبرتادي د یادې موسسې رئیس په دې اړه خوښۍ څرګنده کړه چې دغه اداره به د موسسو چارې په بیړه سرته رسوي او د یادي موسسي د فعالیتونو په اړه یې له پېښو سره د مبارزې آمادګۍ ملي ادارې سرپرست ته معلومات وړاندې کړل
هغه وویل چې موږ له ۱۳۸۴ لمریز کال راهیسې په شمال ختیځ زون کې د زراعت، روغتیا، طبیعي ځېرمو او د پېښو د خطرونو کمولو په برخه کې کار کوو نوموړې زیاته کړه چې د دغه تفاهم نامې له لاسلیک وروسته به ژر تر ژره دغه تړون عملي شي.
د یادونې وړ ده چې د دغي تفاهم نامې له مخې به چې له یادې موسیسې سره لاسلیک شو په مجموع کې د ۶۹۷۰۴۹ ډالرو په ارزښت د ژمي له امله ۱۸۵۴ احتمالي زیانمنو او مستحقو کورنیو ته به د بدخشان ولایت د ارغنخواه، درایم، درواز پایین او تګاب ولسوالیو کې د ژمي لپاره د سون توکو برابرولو په موخه هرې کورنۍ ته ۲۰۰ ډالر وویشل شي.
همدارنګه له یاد شمېر کورنیو څخه به ۱۵۵۷ کورنیو ته د یادو پیسو سربېره ۷۴ ډالر د تودو جامو د برابرولو لپاره او ۱۳۵۳ کورنیو ته به د تودو کمپلو وېش هم ترسره شي.
نیټه: ۱۴۴۶/۵/۱۰ هــ ق
له پېښو سره د مبارزې آمادګۍ ملي اداره
