د لغمان ولایت له پېښو سره د مبارزې آمادګۍ ریاست ۲۸ زیانمنو کورنیو ته غیرنغدي مرستې ووېشلې
د لغمان ولایت له پېښو سره د مبارزې آمادګۍ ریاست د کډوالۍ نړیوالې سازمان (IOM) په مالي همکارۍ, د یاد ولایت په مهترلام ښار او بېلابېلو ولسوالیو کې ۲۸ زیانمنو کورنیو ته غیر نقدي مرستې وویشلې.
په دې لړۍ کې، هرې کورنۍ ته یو د پخلنځي کیټ، یو د حفظ الصحې کیټ، د کمپلې یو کېټ او یو سولري څراغ کیټ ووېشل شو. همدارنګه، هغو ۶ کورنیو ته چې کورونه یې په بشپړ ډول ویجاړ شوي وو، ۶ خیمې ورکړل شوې.
له مرستو برخه منو له پېښو سره د مبارزې آمادګۍ ریاست او د کډوالۍنړیوال سازمان له مرستو مننه او خوښي څرګندنه کړه او زیاته یې کړه چې دغه مرستې به د دوی د ژوند په ښه کولو کې مثبت اغېز ولري.
نېټه: ۱۴۴۶/۷/۲۱
له پېښو سره د مبارزې آمادګۍ ملي اداره
