د دایکندي ولایت له پېښو سره د مبارزې آمادګۍ ریاست ۳۴۶ کسانو ته د کار په بدل کې نغدي پیسې ووېشلې
له پېښو سره د مبارزې آمادګۍ ملي ادارې او له لوږې سره د مبارزې موسسې (AAH) ترمنځ د هوکړه لیک له مخې، د دایکندي ولایت له پېښو سره د مبارزې آمادګۍ ریاست د یادې موسسې په ملاتړ، د (د پېښو د خطرونو مدیریت او د ژوند د ښه والي له لارې د ټولنې د انعطاف لوړولو) پروژې تر سرلیک لاندې ۳۴۶ کسانو ته د کار په بدل کې نغدي مرستې ووېشلې.
په دې لړۍ کې د مسؤلینو په شتون کې هر کاریګر ته ۸۵۰۰ افغانۍ ووېشل شوې چې ټولټال ۲,۹۴۱,۰۰۰ (۲ میلیونه او ۹۴۱ زره) افغانۍ نغدي پیسې د یاد شمېر کسانو لپاره ځانګړې شوي وې.
نېټه:۱۴۴۶/۹/۲۴
له پېښو سره د مبارزې آمادګۍ ملي اداره
