د لغمان ولایت له پېښو سره د مبارزې آمادګۍ ریاست ۲۰۰ زیانمنوشویو او بیوزله کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د درمان مؤسسې ترمنځ د لاسلیک شوي هوکړه لیک له مخې، د لغمان ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت په بېلابېلو ولسوالیو کې، ۲۰۰ زیانمنو شویو او بیوزله کورنیو ته له سروې وروسته د خوراکي توکو مرستې ووېشلې.
په دې لړۍ کې د مسؤلینو په شتون کې، هرې کورنۍ ته ۵۰ کيلو اوړه، ۵ لېټره غوړي، ۲۰ کيلو وريجې، ۱.۲ کيلو چاي، ۲.۵ کيلو لوبيا او ۲ کيلو بوره ووېشل شوه.
د یادونې وړده، چې د لغمان ولايت له پېښو سره د مبارزې آمادګی رياست محترم رئیس؛ قاري خير محمد غازي او د ياد ولايت د اقتصاد محترم رئيس؛ مولوي جان محمد حامد، له يادې مؤسسې څخه اړمنو او زیانمنو وګړو ته د مرستو رسولو په پار مننه وکړه او ډاډ یې ورکړ، چې دوی به له موسسو سره هر ډول همکارۍ کوي، په ورستیو کې د مرستو ترلاسه کوونکو کورنیو له اړوندو مسؤلینو څخه مننه وکړه او د ورته نورو مرستو غوښتنه یې وکړه.
نېټه: ۱۴۴۷/۰۱/۰۴ هـ ق
له پېښو سره د مبارزې آمادګۍ ملي اداره
