د ننګرهار ولایت له پېښو سره د مبارزې آمادګۍ ریاست ۲۳۹ سېلابځپلو کورنیو ته غیرخوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست د کډوالۍ نړیوال سازمان (IOM) سره په همکارۍ، د یاد ولایت د ګوشتې ولسوالۍ اړوند ۲۳۹ کورنیو ته چې د سېلابونو له امله زیانمنې شوې وې, تر سروې وروسته غیر خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې, یو باب خیمه, یو بېړنی سرپنا کېټ, ۳ تختې کمپلې, یو فامیلي بسته او سولري څراغونه ووېشل شول.
د مرستو ترلاسه کوونکو کورنیو د مرستو له امله خوښي څرګنده کړه، او له پېښو سره د مبارزې آمادګۍ ریاست او د کډوالۍ نړیوال سازمان د پر وخت پاملرنې او همکارۍ مننه یې وکړه، او غوښتنه یې وکړه چې دا ډول ملاتړونه دې دوام پیدا کړي.
نېټه:۱۴۴۷/۰۱/۱۶ هـ ق
له پېښو سره د مبارزې آمادګۍ ملي اداره
