د پکتيا ولايت له پېښو سره د مبارزې آمادګۍ ریاست ۱۸ زيانمنو کورنيو ته خوراکي او غير خوراکي مرستې ووېشلې
د پکتيا ولایت له پېښو سره د مبارزې آمادګۍ رياست د کډوالۍ نړیوال سازمان (IOM) او د خوړو نړیوال پروګرام (WFP) په ملاتړ, د یاد ولایت په وزې ځدراڼ ولسوالۍ کې د وروستيو بارانونو او سيلابونو له امله ۱۸ زيانمنو کورنيو ته له سروې وروسته خوراکي او غير خوراکي مرستې وويشلې.
په دې لړۍ کې د مسؤلینو په شتون کې, د IOM لخوا هرې کورنۍ ته یو د پخلنځي کېټ، درې تختې کمپلې او يو سولري څراغ او ۶ کورنيو هرې یوې ته د بيړنۍ سرپناه لپاره یو باب خیمه او د WFP لخوا هرې کورنۍ ته ۲۰۰ کيلو اوړه، ۱۸.۲ ليټره غوړي، ۲۵ کيلو دال، ۲ کيلو مالګه، ۲ کيلو بيسکوټ او د ماشومانو او مېندو لپاره مغذي مواد ووېشل شول.
نېټه: ۱۴۴۷/۰۲/۰۵ هـ ق
له پېښو سره د مبارزې آمادګۍ ملي اداره
