د کندهار ولایت له پېښو سره د مبارزې آمادګۍ ریاست په سپین بولدک ولسوالۍ کې د استنادي دېوال د جوړولو کار پیل کړ
د کندهار ولایت له پېښو سره د مبارزې آمادګۍ ریاست په سپین بولدک ولسوالۍ کې د سېلابونو د خطرونو او د ځاني او مالي زیانونو د مخنیوي په موخه د استنادي دېوال جوړولو د پروژې د بنسټ ډبره د یو شمېر سیمه ییزو مسؤلینو په شتون کې کېښوده.
دا پروژه د عالیقدر امیرالمؤمنین حفظ الله د حکم پر بنسټ، د هېواد له پېښو سره د مبارزې آمادګۍ ملي ادارې له لوري تمویل او پلې کېږي.
د یادونې وړ ده، چې له پېښو سره د مبارزې آمادګۍ ملي ادارې د انجنیرانو لخوا د سپین بولدک ولسوالۍ په بېلابېلو سیمو کې سروې ترسره شوې وه، چې پکې د شیرو اوبو کاریز د سېلابونو له خطر سره مخ پېژندل شوو وو او اوس مهال د یو میلیون افغانیو په ارزښټ په همدې ځای کې د ٥٣ متره په اوږدوالي د استنادي دېوال جوړولو د پروژې کار عملآ پیل شو.
نېټه: ۱۴۴۷/۲/٢٦ هـ ق
له پېښو سره د مبارزې آمادګۍ ملي اداره
