د ننګرهار ولایت له پېښو سره د مبارزې آمادګۍ ریاست ۲۹۸ زلزله ځپلو کورنیو ته غیرخوراکي مرستې ووېشلې
له پېښو سره د مبارزې آمادګۍ ملي ادارې او د ماشومانو د ملاتړ موسسې (Save the Children) ترمنځ د لاسلیک شوي هوکړه لیک پر بنسټ، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت په دره نور ولسوالۍ کې ۲۹۸ کورنیو ته چې د وروستۍ زلزلې له امله زیانمنې شوې وې، غیرخوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، د ترپال، کلنګ، میخ، دستکشونه، پلاستیک، لاس ګاډۍ، ترازو، یو تخته ترپال او نورو اړینو توکو لرونکی یو بېړنی کېټ ووېشل شو.
له مرستو برخه منو کورنیو له پېښو سره د مبارزې آمادګۍ ملي ادارې له مشرتابه او همکاره موسسې څخه قدرداني وکړه، د هغوی ستونزو ته له پاملرنې او پر وخت ځواب وینې له کبله خوښي څرګنده کړه او د دې ډول مرستو د دوام غوښتنه یې وکړه.
نېټه: ۱۴۴۷/۰۳/۲۷ هـ ق
له پېښو سره د مبارزې آمادګۍ ملي اداره
