د لغمان ولایت په مرکز کې یوه ناچاوده مرمۍ کشف او خنثی کړل شوه
د لغمان ولایت له پېښو سره د مبارزې آمادګۍ ریاست د هلوټرسټ ماین پاکۍ نړیوالې موسسې د تخنیکي ټیم په همکارۍ، د یاد ولایت مرکز مهترلام اړوند په پنج پای سیمه کې یوه BM1 ډوله ناچاوده مرمۍ کشف او تر واک لاندې په یوه چاودنه کې په خوندي توګه له منځه یووړل شوه.
د معلوماتو پر بنسټ دا مرمۍ له تېرو جګړو څخه پاتې شوې وه او د کارولو وړ نه وه، خو د سیمې د اوسېدونکو لپاره یې جدي ګواښ رامنځته کړی و. د موسسې مسلکي ټیم یاده مرمۍ په خوندي توګه له منځه یووړه او د هر ډول احتمالي زیان رامنځته کېدو مخنیوی یې وکړ.
نېټه: ۱۴۴۷/۵/۲۲ هـ ق
له پېښو سره د مبارزې آمادګۍ ملي اداره
