د سمنګان ولایت له پېښو سره د مبارزې آمادګۍ ریاست په خرم سارباغ ولسوالۍ کې د سېلابي لارو د پاکولو چارې پیل کړې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، چې د دې ادارې ټولو ولایتي ریاستونو ته یې لارښوونه کړې، چې په ټولو ولسوالیو کې د ډکې شویو سېلابي لارو د پاکولو کارونه پیل کړي، د سمنګان ولایت له پېښو سره د مبارزې آمادګۍ ریاست د ولایتي کمېټې د ماشینرۍ او د دې ادارې د بودجې په کارولو سره د خرم سارباغ ولسوالۍ د سېلابي لارو د پاکولو کار پیل کړ.
دا پروژه ۱۲۰۰ متره اوږدوالی او ۱۰ متره پلنوالی لري چې له چکړو او خټو څخه په پاکولو سره به اوبه په خپلې اصلي لاره کې روانې وي او په دې سېلابې لاره کې به د احتمالي سېلاب له رامنځته کېدو مخنیوی وشي او د خلکو ځان او مال به خوندي وی.
نېټه: ۱۴۴۷/۶/۰۶ هـ ق
له پېښو سره د مبارزې آمادګۍ ملي اداره
