د بدخشان ولایت په یاوان ولسوالۍ کې د یو اوسپنیز کانکریټي حفاظتي دیوال کار بشپړ او ګټې اخیستنې ته وسپارل شو
له پېښو سره د مبارزې آمادګۍ ملي ادارې او د ژوند بنسټ د ټولنیزې او اقتصادي پرمختیا موسسې ترمنځ د لاسلیک شوي هوکړه لیک له مخې، چې د پروژې تمویلوونکی یې د کنسرن موسسه ده. د بدخشان ولایت له پېښو سره د مبارزې آمادګۍ ریاست، د یاد ولایت په یاوان ولسوالۍ کې د ۳۲ متره په اوږدوالي، ۵.۷ متره لوړوالي او د ۱,۳۰۶,۱۲۵ افغانیو په لګښت د یو اوسپنیز کانکریټي حفاظتي دېوال کار بشپړ کړ او رسمآ یې ګټې اخیستنې ته وسپاره.
د دې پروژې په پلي کېدو سره سلګونه جریبه کرنیزه ځمکه، باغونه، عام المنفعه تاسیسات او هستوګنیز کورونه د سېلابونو له احتمالي خطرونو څخه خوندي شول او د سېلاب له خطر څخه د خلکو د خوندیتوب کچه لوړه شوې ده.
نېټه: ۱۴۴۷/۶/۶ هـ ق
له پېښو سره د مبارزې آمادګۍ ملي اداره
