د میدان وردګ ولایت په چک ولسوالۍ کې چاودېدونکي توکي کشف او خنثی شول
د میدان وردګ ولایت له پېښو سره د مبارزې آمادګۍ ریاست د ایریا ماین پاکۍ مؤسسې د QRT-04 ټیم په ملاتړ، د دې ولایت د چک ولسوالۍ په دوران خیل کلي کې یو بېلابېل چاودېدونکي توکي کشف او په خوندي ډول له منځه یوړل.
د یادو عملیاتو په پایله کې، یو عدد د هاوان مرمۍ، 15 عدده د ناټو 40mm ګرنیټ په خوندي توګه خنثی شول.
د یادونې وړ ده، چې د میدان وردګ ولایت له پېښو سره د مبارزې امادګۍ ریاست مسئولینو له خلکو وغوښتل، چې د هر ډول مشکوکو يا چاودېدونکو توکو د لیدو په صورت کې دې، ژر تر ژره له اړوندو مسؤلينو سره اړيکه ونيسي، تر څو یې د خنثی کولو لپاره اړين اقدامات ترسره شي.
نېټه: ۱۴۴۷/۸/۲ هـ ق
له پېښو سره د مبارزې آمادګۍ ملي اداره
