د پکتیکا ولایت له پېښو سره د مبارزې آمادګۍ ریاست په شکین ولسوالۍ کې ۳۹۹ بېځایه شویو کورنیو ته خوراکي مرستې ووېشلې
له پېښو سره د مبارزې آمادګۍ ادارې او د RHDO موسسې ترمنځ د لاسلیک شوي هوکړه لیک له مخې، چې د پروژې تمویلوونکی یې د خوړو نړیوال پروګرام (WFP) دی، د پکتیکا ولایت له پېښو سره د مبارزې آمادګۍ ریاست د یادې موسسې په ملاتړ، د دې ولایت په شکین ولسوالۍ کې ۳۹۹ کورنیو ته، چې د وروستیو جګړو له امله بېځایه شوی وې، خوراکي مرستې ووېشلې.
په دې بهیر کې، چې د اړوند مسؤلینو په شتون کې ترسره شو، هرې کورنۍ ته ۲۰۰ کیلو اوړه، ۲۵ کیلو دال، ۱۸.۱ کیلو غوړي او کیلو مالګه ووېشل شوه.
د یادونې وړ ده، چې په پای کې د مرستو ترلاسه کوونکو له پېښو سره د مبارزې آمادګۍ ریاست او تمویلوونکې موسسې څخه د قدرداني ترڅنګ د دې ډول مرستو د دوام غوښتنه وکړه.
نېټه: ۱۴۴۷/۱۱/۰۹ هـ ق
له پېښو سره د مبارزې آمادګۍ اداره
