پکتیا ولایت کې د جګړو او نا امنیو له امله ۱۰۱ داخلي بيځایه شویو کورنیو سره د غیر خوراکي توکو مرسته تر سره شوه
چهار شنبه – ۲۳ چنګاښ ۱۴۰۰
د پکتیا ولایت کډوالو او راستنیدونکو چارو او پېښو پر وړاندې مبارزې او چمتووالي ریاستونو سره په همغږۍ د کډوالو لپاره د ملګرو ملتونو عالي استازولۍ(UNHCR) لخوا د پکتیا ولایت اړوند بېلابیلو ولسوالیو کې د جګړو او نا امنیو له امله د ۱۰۱ زیانمنو داخلي بیځایه شویو کورنیو سره چې مرکز ګردیز اړوند سیمو ته بیځایه شويدي د غیر خوراکي توکو مرسته ترسره شوه.
پدې توکو کې هرې کورنۍ ته (کمپلې، پلاستیکي ترپالونه، روغتیايي کڅوړه، مایع ګاز ډابه او نور اړین شیان) ورکړل شول.
د پکتیا ولایت بېړنیو حالاتو کمیسیون دېته ژمن دی چې د ولایت اړوند ټولو داخلي بیځایه شویو ته د لومړنۍ ارزونې او د کورنۍ د تثبیت وروسته په عاجله توګه لاسرسۍ او کومکونه ترسره کړي.
