د وزارت مالي او اداري نوی عمومي رییس معرفي او کار یې پیل کړ.
کابل _ 23 حمل 1401
محترم الحاج غوث ناصري چې په دې وروستیو کې د ریاست الوزرا مقام د حکم پر بنسټ، د پېښو ته د رسېدو په چارو کې د دولت وزارت د مالي او اداري عمومي رییس په توګه ټاکل شوۍ و، نن ماسپښین د مولوي شرف الدین مسلم د دې وزارت مرستیال لخوا د ا.ا.ا د چارو ادارې د استازي په شتون کې معرفي او کار یې پیل کړ.
پېښو ته د رسېدو په چارو کې د دولت وزارت مرستیال، د ښاغلي ناصري د معرفي په پروګرام کې وویل چې د حکومت د مشرتابه لخوا د وړتیا پر بنسټ ادلون او بدلون یو اصل دی او ټول د دې اصل په پام کې نیولو ته مکلف دي.
هغه د مالي او اداري عمومي رییس د باتجربه کس په بللو سره یې هغه ته د نوي پسټ په نیولو سره مبارکي ورکړه ورپسې مولوي محمد شاه، د چارو ادارې استازي د ښاغلي ناصري د ټاکل کېدو په اړه د ریاست الوزرا د حکم پر لوستلو سره وویل چې دولتي پسټ یو امتیاز نه بلکه د خدای ج یو امانت او مسوولیت دی او موږ په مخلصانه ډول باید د خدای ج د خلکو په خدمت کې و اوسو.
ورته مهال ښاغلي ناصري هم د ا.ا.ا څخه د باور په پار مننه وکړه او ژمنه یې وکړه چې ورسپارل شوي چارې به په ښه توګه سر ته ورسوي.
