د کندز ولایت له پېښو سره د مبارزې آمادګۍ ریاست ۱۵۳۲مستحقو کورنیو ته نغدي مرستې ووېشلې
د کندز ولایت له پېښو سره د مبارزې آمادګۍ ریاست د ARWEP موسسې په مالي ملاتړ، د دې ولایت په دشت ارچي ولسوالۍ کې ۱۵۳۲ مستحقو کورنیو ته د نغدي مرستو د وېش لړۍ پیل کړه.
دا شمېر کورنۍ چې سروې یې د دې ریاست په همغږۍ ترسره شوې وه، نن ورځ يې د دوهم او دریم پړاو مرستې ترلاسه کړې.
په دې پروسه کې، د هرې مستحقې کورنۍ لپاره ۵۶۰۰ افغانۍ ځانګړې شوې وې، چې په مجموع کې ۸،۵۷۹،۲۰۰ ( ٨ میلیونه ۵۷۹ زره او ٢٠٠ ) افغانۍ یاد شمېر کورنیو ته ووېشل شوې.
د مرستو د وېش دا لړۍ به دوه ورځې دوام ولري، همدارنګه د یادونې وړ چې د مرستو څلورم پړاو او وروستۍ پړاو به یې په راتلونکو میاشتو کې ووېشل شي.
تاریخ: ۱۴۴۶/۶/۲۳
له پېښو سره د مبارزې آمادګۍ ملي اداره
