د بامیان ولایت له پېښو سره د مبارزې آمادګۍ ریاست ١٨١٠ زیانمنو شوو او اړمنو کورنیو ته نغدي ژمنۍ مرستې ووېشلې
له پېښو سره د مبارزې آمادګۍ ملي ادارې او په آسیا کې د ټولنیزو نړیوالو خدمتونو (CWSA) موسسې تر منځ د لاسلیک شوي هوکړه لیک له مخې، د یاد ولایت د مرکز اړوند ١٨١٠ زیانمنو شوو او اړمنو کورنیو ته له سروې وروسته، نغدي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ٢٩٢٠ افغانۍ ووېشل شوې چې ټولټال د یاد شمېر کورنیو لپاره ٥,٢٨٥,٢٠٠ ( ٥ میلونه، ٢٨٥ زره او ٢٠٠ ) افغانۍ ځانګړې شوې وې.
د یادونې وړ ده، چې پورتنيو یادو کورنیو ته د CWSA موسسه په راتلونکو میاشتو کې، نورې نغدي ژمنۍ مرستې هم په پلان کې لري.
نېټه: ١٤٤٦/٨/١٩
له پېښو سره د مبارزې آمادګۍ ملي اداره
