د میدان وردګ ولایت له پېښو سره د مبارزې آمادګۍ ریاست له ۱۲۰ زیانمنو او کډوالو کورنیو سره د خوراکی او غیری خوراکی توکو مرسته وکړل
نن ورځ یک شنبه، د میدان وردګ ولایت له پېښو سره د مبارزې آمادګۍ ریاست ۱۷ راستنیدونکو کډوالو او ۱۰۳ کورنۍ زیانمنو کورنیو ته خوراکي او غیری خوراکي توکې وویشل چي د مرستو د ویش پر مهال دیاد ریاست رئیس مولوی فیض الله جلالی او مسؤلینو په شتون کې توزیع شول او ۳۰ با سواده خلکو ته له پېښو سره د مبارزې آمادګۍ ملي ادارې د لاسته راوړنو او خدمتونو معلوماتي بروشر ورکړل شول.
په یادو مرستو کې (۱۷) کورنیو ته چې هرې کورنۍ ته (۱) بورې ۵۰ کیلویی اوړه، (۱) من بوره، (۱) کیلو تور چای، (۱) عدد د یونیسف مؤسسې هایجن کیټ، (۱) عدد د یونیسف مؤسسې ژمنې البسه، (۲) عدده د غذا خوری سیټ، ۲۸ پاکټه کلورین ټابلیت، (۱) جلد د یونیسف مؤسسې د لاس مینځلو لارښود شامل وو، او ۱۰۳ کورنیو ته چې هر کورنۍ ته (۱) بورې ۵۰ کیلویی اوړه، (۵) کیلو بوره، (۱) کیلو تور چای، د اوبو سطل، (۱) عدد د یونیسف مؤسسې د اوبو بوشکه، (۱) جلد د یونیسف مؤسسې د لاس مینځلو لارښود، (۲۸) پاکټه کلورین ټابلیت شامل دي چې وروسته له سروې توزیع کړل شوه.
د مرستې د توزیع په مهال د میدان وردګ ولایت له پېښو سره د مبارزې آمادګۍ ریاست رئیس مولوی فیض الله جلالی کډوالو او زیانمنو کورنیو ته وویل، موږ تل هڅه کوو چې د طبیعی او غیری طبیعی پېښو له امله زیانمنو کورنیو ترڅنګ د کډوالو کورنیو هم لاس نیوۍ وکړو او په راتلونکی کې به ورته د لا زیاتو مرستو زمینه برابره شي.
نیټه: ۱۴۴۷/۶/۱۰ هــ ق
له پېښو سره د مبارزې آمادګۍ ملي اداره
