د مزارشریف ښار کې د اورلګېدنې څخه د مخنیوي کمېټې د تېلو ټانکونو څخه بیا ارزونه ترسره کړه
د بلخ ولایت د محترم مقام د حکم او له پېښو سره د مبارزې آمادګۍ ملي ادارې د رهبري د لارښوونې له مخې، د اورلګېدنې د مخنیوي دایمي کمېټې، چې د اړوندو ادارو د استازو څخه جوړه شوې ده، په مزارشریف ښار کې د جمشیدي نمبر ۹، جمشیدي نمبر ۴، د قناعت د تېلو ټانک او د اتفاق د تېلو ټانکونو دوهم پړاو بیاکتنه او نظارت ترسره کړ.
دا نظارت د اورلګېدنې د مخنیوي لپاره د وقایوي وسایلو د موجودیت او برابرښت په موخه د هغو لارښود چک لیستونو له مخې وارزول شي چې په لومړي پړاو کې وېشل شوي وو. د پلاوي د لیدنو له مخې، د جمشیدي نمبر ۹ تېلو ټانک زیاتره وقایوي موارد رعایت کړي او یوازې درې موارد پاتې دي چې د دغه ټانک مسئولینو د نیمګړتیاوو د ژر تر ژره لرې کولو جدي ژمنه کړې ده او د قناعت د تېلو ټانک وقایوي وسایل په نسبي ډول رعایت کړي دي.
په همدې حال کې، د جمشیدي نمبر ۴ د تېلو ټانک او د اتفاق د تېلو ټانک هېڅ یو وقایوي اصول نه دي مراعات کړي؛ له همدې امله، د څارنې پلاوي له خوا دغو ټانکونو ته د اصولو د نه رعایت اخطاریه ورکړل شوه. له پېښو سره د مبارزې آمادګۍ ملي اداره د اورلګېدنې د پېښو د مخنیوي لپاره د ټولو وقایوي تدابیرو پر بشپړ تطبیق ټینګار کوي.
نېټه: ۱۴۴۷/۷/۹ هــ ق
له پېښو سره د مبارزې آمادګۍ ملي اداره
