د میدان وردګ ولایت له پېښو سره د مبارزې آمادګۍ ریاست په جغتو ولسوالۍ کې د ۳ لویو حوزو فرعی سړکونه د تګ راتګ پرمخ پرانیستل
له پېښو سره د مبارزې آمادګۍ ملي ادارې د مقام په لارښوونه، د میدان وردګ ولایت له پېښو سره د مبارزې آمادګۍ ریاست د اضطرار له بودجې څخه په ګټې اخیستنې سره، د دې ولایت په جغتو ولسوالۍ کې د زیاتې واورې د ورښت له امله د آبتله، باریکاب او کنډ قول حوزو تړل شوي فرعی سړکونه له واورو څخه پاک او د خلکو او نقلیه وسایطو د تګ راتګ پر مخ بېرته پرانیستل.
د میدان وردګ ولایت له پېښو سره د مبارزې آمادګۍ ریاست رئیس، مولوی احمد شاه ذهین، ټینګار کوي، چې د یاد ریاست د کاري ټیم له لوري هڅې روانې دي ترڅو د خپلو امکاناتو په کارولو سره په نورو ولسوالیو کې هم هغه فرعي سړکونه د خلکو او نقلیه وسایطو د تګ راتګ پر مخ بېرته خلاص کړي چې د واورو له امله تړل شوي.
نېټه:۱۴۴۷/۸/۰۹ هـ ق
له پېښو سره د مبارزې آمادګۍ ملي اداره
