د ننګرهار ولایت له پېښو سره د مبارزې آمادګۍ ریاست ۳۹ داخلي بېځایه شویو کورنیو ته د خوراکي او غیرخوراکي توکو مرستې ووېشلې
له پېښو سره د مبارزې آمادګۍ ادارې د لوی رئیس د لارښوونې پر بنسټ، د ننګرهار ولایت له پېښو سره د مبارزې آمادګۍ ریاست د یاد ولایت په اچین، سپین غر او خوګیاڼیو ولسوالیو کې د وروستیو جګړو له امله ۳۹ داخلي بېځایه شویو کورنیو ته له سروې وروسته د خوراکي او غیر خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۵۰ کیلوګرامه غنم، ۳ کیلو بوره، یو عدد څراغ او یوه تخته کمپلې ووېشل شوې.
یادې مرستې داخلي بېځایه شویو کورنیو ته د هغوی د بیړنیو اړتیاوو د پوره کولو په موخه ووېشل شوې.
نېټه: ۱۴۴۷/۱۱/۱۱ هـ ق
له پېښو سره د مبارزې آمادګۍ اداره
