پېښو ته د رسیدو په چارو کې د دولت وزیر پکتیا ولایت سفر وکړ
تیره ورځ چهارشنبه د زمري میاشتې په لومړی نيټه پېښو ته د رسیدو په چارو کې دولت وزیر محترم غلام بهاوالدین جیلاني او د یاد وزارت مالي او اداري معین محترم مطیع الله صافی د وروستیو پېښو زیانمنو او د عمومي وضعیت ارزونې، او د ډېرې زیان راوړونکي سیمو د ارزونې په موخه پکتیا ولایت ته ورسید.
محترم جیلاني او ورسره مل پلاوي لومړي د پکتیا هوايي میدان کې د پکتیا والي محترم محمد حلیم فدايي، امنیه قوماندان سلطان داود سلطان، د ملي امنیت رئیس، د ولایتي شورا غړو، پېښو پر وړاندې مبارزې رئیس محترم شادیم خان هلال، د دولتي ادارو رئیسانو او ددې مشرانو لخوا ورته تود هرکلی وویل شو.
پېښو ته د رسیدو په چاروکې د دولت وزیر د محترم محمد حلیم فدايي،امنیه قوماندان، ملي امنیت رئیس، او د سکتوري ادارو مسولینو په ملتیا د پکتیا ولایت شواک اړوند سټه کنډو زیان منونکي ساحې ته لیدنه وکړه.
پېښو ته د رسیدو په چاروکې د دولت وزیر د شواک ولسوالی اوسیدونکو څخه نږدې لیدنه وکړه او د دوی وړاندیزونه او ستونزې يې واوريدې او زیاته يې کړه چې وقایوي برنامې د طبيعي پېښو ګواښونو د مخنیوي په موخه د وزارت له بنسټیزو لومړیتوبونو څخه دی او پدې اړوند يې د پکتیا سیمه ييزې ادارې او سیمه ییزو وکړو ته ژمنه ورکړه.
