د بغلان ولایت له پېښو سره د مبارزې آمادګۍ ریاست په دهنه غوري ولسوالۍکې د استنادي دېوال جوړولو د بنسټ ډبره کېښوده
د بغلان ولایت له پېښو سره د مبارزې آمادګۍ ریاست د آقا خان بنسټ په همکارۍ, په دهنه غوري ولسوالۍکې د سېلابونو له زیانونو څخه د کرنیزو ځمکو او هستوګنیزو کورونو د ژغورنې په موخه د استنادي دېوال جوړولو د بنسټ ډبره کېښوده.
په دې پروګرام کې له پېښو سره د مبارزې آمادګۍ ریاست رییس, د دهنه غوري ولسوال او یو شمېر نورو سیمه ییزو مسؤلینو شتون درلود او د پروژې په اړه یې په خبرو سره ووېل چې د سېلابونو له خطر څخه د خلکو د کرنیزو ځمکو او هستوګنیزو کورونو د ساتنې لپاره دا پروژه خورا مهمه ده.
د دغه استنادي دیوال د پروژې په پلي کېدو سره به تقریبآ ۶ زره جریبه کرنیزه ځمکه او ګڼ شمېر کورونه د سېلاب له ګواښ څخه خوندي پاتې شي.
نیټه: ۱۴۴۶/۶/۱۹
له پېښو سره د مبارزې آمادګۍ ملي اداره
