د بغلان ولایت له پېښو سره د مبارزې آمادګۍ ریاست ۳۰۵ کاریګرو ته د کار په بدل کې نغدي پیسې ووېشلې
د بغلان ولایت له پېښو سره د مبارزې آمادګۍ ریاست د اسلامیک ریلیف موسسې په مالی ملاتړ، هغو ۳۰۵ کاریګرو ته چې په ډنډی غوري ولسوالۍ کې یې د ګورګن کانال د پاکولو چارې ترسره کړې د کار له بشپړېدو وروسته هغوی ته نغدي پیسې ووېشلې.
د پاک کاري چارو ترسره کوونکي سیمه ییز اوسېدونکي وو او د هر کس لپاره د یوې ورځې کار په بدل کې ۴۰۰ افغانۍ په پام کې نیول شوي وې او ۲۱ ورځې کار یی ترسره کړ او هر کاریګر ته د ۲۱ ورځو کار په بدل کې ۸۴۰۰ افغانۍ او په مجموعي توګه ۲،۵۰۸،۶۴۵ افغانۍ ووېشل شوې.
ورته مهال د سیمې اوسېدونکو له یاد ریاست او موسسې څخه په وخت سره د دې پروژې د چارو بشپړولو په پار مننه او خوښي څرګنده کړه.
نېټه:۱۴۴۶/۵/۳۰
له پېښو سره د مبارزې آمادګۍ ملي اداره
