د لغمان ولایت له پېښو سره د مبارزې آمادګۍ رییس د استنادي دیوال جوړېدو له پروژې څارنه وکړه

د لغمان ولایت له پېښو سره د مبارزې آمادګۍ رییس, محترم قاري خیر محمد غازي, د یاد ولایت مرکز اړوند په ګلکاریو کلي کې د استنادي دیوال جوړېدو له پروژې څارنه وکړه, او د دغه استنادي دیوال کارونه یې و ارزول ترڅو ‌ډاډ ترلاسه کړي چې کارونه په معیاري توګه پر مخ روان دي.
دا دیوال چې د جوړيدو کار یې څه موده وړاندې له پېښو سره د مبارزې آمادګۍ ملي ادارې لخوا څه د پاسه یو میلیون افغانیو په لګښت د منصف ودانیز شرکت له لوري پیل شوی و, تمه ده چې تر راتلونکې یوه اوونۍ به یې کار بشپړ او ګټې اخیستنې ته وسپارل شي.
د یادونې وړ ده چې د لغمان ولایت له پېښو سره د مبارزې آمادګۍ ریاست پلان لري, چې په مرکز او دولت شاه ولسوالۍ کې دوه نورې پروژې هم په نږدې راتلونکې کې پیل کړي.
همدارنګه د سیمې خلکو له اسلامي امارت په ځانګړې توګه د یاد ریاست څخه د طبیعي پېښو خطرونو مخنیوي او له خطرونو څخه د خلکو د ساتنې په برخه کې د بېلابېلو اقداماتو ترسره کولو په پار قدرداني وکړه.

1446/4/1/21
له پېښو سره د مبارزې آمادګۍ ملي اداره