د ننګرهار ولایت له پېښو سره د مبارزې آمادګۍ ریاست ۸۸ زلزله ځپلو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د Cordaid مؤسسې ترمنځ د لاسلیک شوي هوکړه لیک له مخې، د کابل ولایت له پېښو سره د مبارزې آمادګۍ ریاست د یادې مؤسسې په مالي مرسته او CDRO مؤسسې په تخنیکي، د دې ولایت د دره نور ولسوالۍ په کندک، قلعه شاهي، کشموند قلعه او صفر قلعه کې ۸۸ زلزله ځپلو کورنیو ته له سروې وروسته نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۹۵۰۰ افغانۍ ووېشل شوې، چې ټولټال د یاد شمېر کورنیو ته ۸۳۶ زره افغانۍ ځانګړې شوې وې.
د یادونې وړ ده، چې د مرستو ترلاسه کوونکو کورنیو د ننګرهار ولایت له پېښو سره د مبارزې آمادګۍ ریاست او CDRO مؤسسې څخه قدردانی وکړ او د ورکړل شویو نورو مرستو غوښتنه یې وکړه.
نېټه: ۱۴۴۷/۴/۲۵ هـ ق
له پېښو سره د مبارزې آمادګۍ ملي اداره
