د هنډیکیپ انټرنیشنل موسسې د لویدیځ زون په هرات ولایت کې په خپل معیاري ګدام کې پېښو ته د چمتووالي او رسېدنې ملي ادارې د خوراکي توکو د ساتنې په برخه کې د همکاري چمتووالی وښوده

کابل- د صفرالمظفر ۲-۱۴۴۶
پېښو ته د چمتووالي او رسېدنې ملي ادارې سرپرست محترم الحاج ملا نورالدین ترابي نن ماسپښین، د هنډیکیپ انټرنیشنل موسسې مشر ښاغلي یوبان مالا سره په خپل کاري دفتر کې وکتل او زیانمنو ته دمرستو د موادو د رسېدنې پر څرنګوالي یې خبرې وکړې.
په دې کتنه کې محترم ترابي صاحب وویل: چی موږ هر هغه څوک او هره هغه موسسه چی د افغانستان د مظلومو خلکو سره مرسته کوي موږ په شفاف ډول هر نوع همکاري ورسره کوو, او ښاغلي ترابی صاحب له ښاغلي یوبان مالا څخه وغوښتل چې زموږ سره د موادو د ساتلو لپاره د ګدامونو په جوړولو کې همکاری وکړی. ښاغلی یوبان مالا ژمنه وکړه چی موږ به خپل ډونران وهڅوو چې د ګدامونو په جوړولو کې عاجله همکاري وکړي او همداراز یی ژمنه وکړه چی موږ به ستاسو د اداری خوراکي او غیرخوراکي موادو په وړیا ډول انتقالولو کې مرسته وکړو.
او په خپلو پروپوزلونو کې به د زیانمنو لپاره د خیمو برابرول هم ځای پر ځای کړو او په نورو ولایتونو کې به هم دغه ډول ګدامونه جوړ کړو.
ورته مهال د یادې موسسې عملیاتي رییس ووېل چې، موږ د لویدیځ زون په هرات ولایت کې د خوراکي مرستو د ساتنې لپاره له نړۍ والو معیارونو سره سم یو غټ ګدام لرو چې د ۱۵ خیریه بنسټونو خوراکي توکو د ساتنې ظرفیت لري او موږ کولای شو چې په دغه ګدام کې پېښو ته د چمتووالي او رسېدنې ملي ادارې خوراکي توکي هم وساتو، او همدارنګه د اړتیا په وخت کې د پېښې سیمې ته د ټرانسپورټ او توکو د انتقال مسؤلیت هم پر غاړه اخلو.
نوموړي همدارنګه زیاته کړه چې، که چېرې استانتیاوې زیاتې شي نو لا زیاتې پروژې به پلي کړو
په پای کې دواړو لوري د همکاري او همغږي پر پیاوړي کولو ټینګار وکړ او پرېکړه وشوه چې په راتلونکو ورځو کې به د همکاري یو تړون لیک لاسلیک کړي.