د کاپیسا ولایت له پېښو سره د مبارزې آمادګۍ ریاست په نجراب ولسوالۍ کې د استنادي دیوال د جوړولو کار پیل کړ
له پېښو سره د مبارزې آمادګۍ ملي ادارې او د GNI مؤسسې تر منځ د لاسلیک شوي هوکړه لیک له مخې، د کاپیسا ولایت له پېښو سره د مبارزې آمادګۍ ریاست، د یاد ولایت د نجراب ولسوالۍ په جور غل کلي کې د نوي زره (٩٠،٠٠٠) ډالرو په ارزښت د ١٠٠ مترو په اوږدوالي استنادي دیوال د جوړولو کار پیل کړ.
د دې پروژې د پرانیستلو په مراسمو کې، د ولایت مقام مرستیال؛ محترم الحاج اسد الله سنان، د نجراب ولسوالۍ ولسوال؛ محترم الحاج مولوي عطاءالله نعمت، د دې ولایت له پېښو سره د مبارزې آمادګۍ رییس؛ محترم الحاج مولوي صابر احمد او یو شمیر نورو سیمه ییزو مشرانو شتون درلود.
د یادونې وړ ده، چې د دې استنادي دیوال د سروې او ارزونې چارې، له پېښو سره د مبارزې آمادګۍ ملي ادارې د تخنیکي پلاوي په واسطه له وړاندې څخه ترسره شوې وې.
نېټه: ۱۴۴۷/۲/١١هـ ق
له پېښو سره د مبارزې آمادګۍ ملي اداره
