د کندهار ولایت له پېښو سره د مبارزې امادګي رياست ۱۰۹ زیانمنو کورنیو ته خوراکي او غیرخوراکي مرستې ووېشلي 

له پېښو سره د مبارزې آمادګۍ ملي ادارې او د Save the Children مؤسسې ترمنځ د لاسلیک شوي هوکړه لیک له مخې، د کندهار ولایت له پېښو سره د مبارزې آمادګۍ ریاست د IOM، WFP، CHA,UNHCR,،UNFPA  سازمانونو او یادې مؤسسې په مالي ملاتړ، د وروستیو بارانونو او سېلابونو له امله ۱۰۹ زیانمنو کورنیو ته له سروې وروسته خوراکي او غیرخوراکي مرستې ووېشلې.

په دې لړۍ کې، تر دقیقي سروي وروسته د مسؤلینو په شتون کې د IOM مؤسسې لخوا هرې کورنۍ ته ۳ تختې توشکې، ۱ دانه سولري څراغ او ۱ د اشپزخانې کېټ، د WFP دفتر په مالي ملاتړ او د HOPA  مؤسسې په همکارۍ هرې کورنۍ ته۲۰۰  کیلو اوړه، ۲۰ لیټره غوړي، ۲۵ کیلو دال نخود، ۴۲ پاکټه بسکویټ او ۲ کیلو مالګه، د UNFPA  دفتر لخوا هرې کورنۍ ته یو د روغتیا ساتنې حفظ‌الصحې کېټ، دUNHCR  دفتر په مالي ملاتړ او د CHA مؤسسې په همکارۍ ۳۲ کورنیو هرې یوې ته ۱ باب خېمه او د Save the Children مؤسسې لخوا ۷۷ کورنیو هرې یوې ته د ترمیم کېټونه او ۱۰۹ کورنیو هرې یوې ته د روغتیا ساتنې کېټونه ووېشل شول.

د یاد ولایت له پېښو سره د مبارزې آمادګۍ ریاست د زیانمنو کورنیو لاسنیوی خپل مسؤلیت ګڼي او د یادو همکارو مؤسسو له دوامدارو بشردوستانه همکاریو څخه مننه کوي.

نېټه: ۱۴۴۷/۱۰/۲۱ هـ ق

له پېښو سره د مبارزې آمادګۍ ملي اداره