له پېښو سره د مبارزې آمادګۍ ملي ادارې او د بشري مرستو د همغږۍ مؤسسې ترمنځ د (۱,۶۲,۳۸۳) یو سل دوه شپیته زره، دري سوه او دري اتیا ډالرو په ارزښت د ګډو همکاریو تفاهم نامه لاسلیک سوه
نن ورځ چهار شنبه، له پېښو سره د مبارزې آمادګۍ ملي ادارې لوی رئیس الحاج ملا نورالدین ترابي د بشري مرستو د همغږۍ مؤسیسې د اجرایوي رئیس انجینر عبدالبصیر حقمل سره وکتل.
محترم ترابي صاحب په خپلو خبرو کي راغلي پلاوي ته ښه راغلاست ووایه او زیاته یی کړه چي د ژمي په رارسیدو سره باید ټول مؤسیسات ژمنۍ مرستي ژر تر ژره تر خلګو ورسوي ترڅو زیانمني کورنۍ پر وخت د ژمني توکو څخه برخمني سي.
همد راز محترم ترابي صاحب یادونه وکړه که مرسته لږ وي یا ډیره خو باید اساسي وي او اړمنو کورنیو ته پر وخت ورسیږي.
وروسته د بشري مرستو د همغږۍ مؤسیسې اجرایوي رئیس انجینر عبدالبصیر حقمل د محترم ترابي صاحب څخه ځانګړي مننه وکړه چي وخت یی ورکړ او زیاته یی کړه چي یادي ادارې تل زموږ سره همکاري کړي ده او موږ هم تل کوښښ کوو چي خلګو ته مرستي ورسوو.
دیادوني وړ ده یاده تفاهم نامه چي لاسلیک سوه، له مخي به یې د پکتیکا ولایت په دیله او دایکندي ولایت په پاتو ولسوالیو کي (۷۰۰۰) کورنیو ته د د حفظ الصحي بستې ویشل، (۷۰۰۰) کورنیو ته د اوبو د پاکولو درمل ویشل او (۷۰۰۰) کورنیو ته د کولرا ناروغۍ په اړه عامه پوهاوۍ ورکول.
نیټه: ۱۴۴۷/۶/۱۲ هــ ق
له پېښو سره د مبارزې آمادګۍ ملي اداره
