ورستیو سېلاب ځپلو ته د کومک رسېدنې په موخه بېړنۍ غونډه ترسره شوه
نن سهار د پنجشنبې ورځ، له پېښو سره د مبارزې آمادګۍ ملي ادارې سرپرست الحاج ملا نورالدین ترابي دهیواد په کچه دملی او نړیوالو اړونده موسسو مسولین او استازی دعاجلی بیړنی غوندی لپاره راوغوښتل او په خپل کاری دفتر کی یې بیړنی غونده دائره کړل. په غونډه کې د UN-OCHA ،WFP، IOM، ECHO، IHH، UNICEF او د ES-NFI سازمانونو استازو، د اطلاعاتو او عامه اړیکو رئیس، د بیړنیو حالاتو رئیس او د نړیوالو اړیکو سرپرست ګډون درلود.
په دې ناسته کې، له پېښو سره د مبارزې آمادګۍ ملي ادارې سرپرست الحاج ملا نورالدین ترابی د ملي او نړیوالو موسسو او د ملګرو ملتونو سازمانونو له بشري مرستو څخه مننه وکړه او زیاته یې کړه، چې وروستیو سېلابونو د ټول هیواد په کچه په اکثرو ولایتونو کی خصوصاً په ۱۳ ولایتونو کې زیات مالي او ځاني زیانونه اړولي دي، نو له همدې امله یی د ټولو بنسټونو څخه غوښتنه وکړل چی دسیلاب ځپلو سره په ۷۲ ساعته کی دننه دننه تاسو دخپلو امکاناتو سره سم دسیلاب ځپلو سره اړین کومکونه وکړۍ.
همداراز ترابی صاحب د مرستو د ښه مدیریت او د شفافیت د رامنځته کولو په منظور ، د دې ادارې او د نړیوالو موسسو ترمنځ د همغږۍ د زیاتوالي پر اړتیا ټینګار وکړۍ.
ورپسې، د UN-OCHA، WFP، IOM، ECHO، IHH، UNICEF او د ES-NFI سازمانونو استازو ترابی صاحب ته د، خوراکی، غیر خوراکي ، روغتایی او لنډمهاله سرپناه مرستو د چمتوالۍ ډاډ ورکړ. هغوی وویل چې سېلاب ځپلو ته به د مرستو رسولو هڅې د کاري لومړیتوبونو په سر کې وي. او دامکان په صورت کی به په ۷۲ ساعته کی دننه خپل کومکونه ورسوو.
د غونډې په پای کې، د سېلاب ځپلو سره د ستونزو پر بیړنی حل کولو باندی ټینکار وسو.
نېټه:۱۴۴۶/۸/۲۸
له پېښو سره د مبارزې آمادګۍ ملي اداره
