په پکتیکا ولایت کې 63 زیانمن شوو کورنیو ته د خوراکي او غیر خوراکي توکو وېش
پکتیکا - 1399 کال دلړم 6مه
د پکتیکا ولایت پېښو پر وړاندې چمتووالي ریاست د کلیو پراختیا ریاست سره په همکارۍ, 63 کورنیو ته چې د وروستیو سېلابونو له امله په یوسف خېل, یحی خېل او زرغون ښار ولسوالیو کې یې خپل کورونه له لاسه ورکړي وو, خوراکي او غیر خوراکي توکې ووېشل.
هغو کورنیو ته چې کورونه یې په بشپړه توګه وېجاړ شوي وو د خوراکي توکو دوه کڅوړې او یو د پخلنځی کېت, او په نیمه توګه وېجاړ شوو کورنیو ته د خوراکي توکو یوه کڅوړه چې 50 کیلو اوړه, 20 کیلو وریجې, 5 لیټره غوړي, 3 کیلو لوبیا, 3 کیلو بوره 2 کیلو مالګه, یو کیلو شین چای, یو دانه سطل او دوه د اوبو ډبې په کښې شاملې وی, د پېښو سره مبارزې رییس, د کلیو پراختیا ریاست او د ملي امنیت ریاست استازو په شتون ووېشلې.
