۱۱۳ کورنیو ته په لغمان ولایت کې خوراکي او غیرخوراکي مرستې ووېشل شوې
لغمان- د کب ۲۲مه-۱۴۰۲
د IOM او WFP موسسو د لغمان ولایت پېښو سره د مبارزې ریاست سره په همغږي او همکاري، د یاد ولایت مرکز مهترلام او بېلابېلو ولسوالیو اړوند ۱۱۳ کورنیو ته چې د وروستیو بارانونو له امله یې کورونه په نیمه او بشپړډول زیانمن شوي وو، له سروې وروسته خوراکي او غیرخوراکي مرستې ووېشلې.
په دې مرستو کې هرې کورنۍ ته ۲۰۰ کیلو اوړه، ۱۸.۲ کیلو غوړي، ۲۵ کیلو دال، ۲ پاکټ مالګه، همدارنګه ۱۵ کورنیو ته چې په بشپړډول یې کورونه زیانمن شوي وو، هرې کورنۍ ته د پخلنځي کېټ، کمپلې، هایجن کېټ، سولري څراغونه، ۱ لویه خیمه او یو شمېر نور اړین توکي ووېشل شول.
