د بامیان ولایت له پېښو سره د مبارزې آمادګۍ ریاست ۸۰ زیانمنو کورنیو ته خوراکي او غیرخوراکي مرستې ووېشلې
د بامیان ولایت له پېښو سره د مبارزې آمادګۍ ریاست، د ولایت مقام او د سرې میاشتې ریاست د استازو په ګډون د یو پلاوي په شتون کې، د شیبر ولسوالۍ د باغک کلي هغو ۸۰ کورنیو ته چې د قدرتي پېښو له امله زیانمنې شوې وې، خوراکي او غیرخوراکي مرستې ووېشلې.
په دې لړۍ کې، له سروې وروسته او د مسؤلینو په شتون کې، هرې کورنۍ ته یوه بورۍ ۵۰ کیلویي غنم، ۵ کیلو بوره او یوه بسته جامې ووېشل شوې.
د بامیان ولایت له پېښو سره د مبارزې آمادګۍ ریاست ټینګار وکړ چې د قدرتي پېښو له زیانمنو کورنیو سره د مرستې او رسېدنې بهیر به د ترسره شوې سروې او شته اړتیاوو پر بنسټ دوام ولري.
