د بدخشان ولایت له پېښو سره د مبارزې آمادګۍ ریاست ۳۸۵ اړمنو کورنیو ته نغدې او غیرخوراکي مرستې ووېشلې
له پېښو سره د مبارزې آمادګۍ ملي ادارې او د AWEC موسسې تر منځ د لاسلیک شوي هوکړه لیک له مخې، د بدخشان ولایت له پېښو سره د مبارزې آمادګۍ د یادې موسسې په مالي ملاتړ، د دې ولایت په تګاب او تشکان ولسوالیو کې ۳۸۵ اړمنو کورنیو ته له سروې وروسته نغدې او غیرخوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۱۲,۴۷۰ افغانۍ او د غیرخوراکي توکو ۱ کېټ ووېشل شول او ټولټال څلور میلیونه او اته سوه زره او نه سوه پنځوس (۴,۸۰۰,۹۵۰) افغانۍ نغدې پیسې د یاد شمېر کورنیو لپاره ځانګړې شوې وې.
نېټه: ۱۴۴۷/۰۳/۲۵ هـ قس
له پېښو سره د مبارزې آمادګۍ ملي اداره
