د بغلان ولایت له پېښو سره د مبارزې آمادګۍ ریاست سېلاب ځپلو کورنیو ته د ۳۰۰ کورونو کیلي وویشلې
له پېښو سره د مبارزې آمادګۍ ملي ادارې او د هستوګنې لپاره د آغا خان موسسې (AKAH) ترمنځ لاسلیک شوي هوکړه لیک له مخې، د بغلان ولایت له پېښو سره د مبارزې آمادګۍ ریاست, د یادې موسسې په همکارۍ او د ملګرو ملتونو د پرمختیايي پروګرامونو د دفتر (UNDP) په مالي ملاتړ، د سېلاب ځپلو کورنیو لپاره ۳۰۰ نوي کورونه جوړ کړل او مستحقو کورنیو ته یې ووېشل.
له دې جملې څخه، ۱۴ کورونه په دهنه غوري ولسوالۍ، ۱۳۳ کورونه په بغلان مرکزي، او ۱۵۳ کورونه په برکه ولسوالۍ کې جوړ او مستحقو کورنیو ته ووېشل شول.
د یادونې وړ ده, چې هر کور د درېنیم متره مربع په مساحت دوه هستوګنیزې خونې, یو دهلیز او یو تشناب لري، او د هرې کورنۍ لپاره یو کور ځانګړی شوی دی.
د هر کور د جوړولو لګښت ۲۶۰۰ ډالر دی، چې د دې پروژې ټول لګښت ۷۸۰,۰۰۰ ( ۷۸۰ زره) ډالرو ته رسېږي.
دا اقدام هغو کورنیو ته د مرستې رسولو په موخه ترسره شوی، چې د ۱۴۰۳ کال د غویي میاشتې په ۲۱مه نېټه د ویجاړوونکو سېلابونو له امله یې کورونه په بشپړه توګه ویجاړ شوي وو.
نېټه: ۱۴۴۷/۰۱/۰۲ هـ ق
له پېښو سره د مبارزې آمادګۍ ملي اداره
