د تخار ولایت له پېښو سره د مبارزې آمادګۍ ریاست ۷۷ زیانمنو شویو کورنیو ته غیر خوراکي مرستې ووېشلې
د تخار ولایت له پېښو سره د مبارزې آمادګۍ ریاست د کډوالۍ نړیوال سازمان په ملاتړ، د دې ولایت د رستاق، فرخار، ورسج، کلفګان ولسوالیو او مرکز اړوند ۷۷ کورنیو ته چې, د ورښتونو له امله زیانمنې شوې وې، له سروې وروسته غیر خوراکي توکي ووېشل.
په دې لړۍ کې د مسؤلینو په شتون کې، هرې کورنۍ ته ۳ تختې کمپلې، یوه د پخلنځي بسته، یو پلاستیکي فرش، ۴ تختې ترپالونه، ۴ عدده برېښنایي سولرونه او یوه ګیډۍ جارو ووېشل شول، همدا راز له یاد شمېر کورنیو څخه ۱۶ کورنیو ته چې کورونه یې په کلي توګه ویجاړ شوي وو، هرې کورنۍ ته یو باب خیمه هم ووېشل شوه.
نېټه: ١٤٤٦/١٠/٢٠ هــ ق
له پېښو سره د مبارزې آمادګۍ ملي اداره
