د سرپل ولایت له پېښو سره د مبارزې آمادګۍ ریاست ۴۰ زیانمنو کورنیو ته خوراکي او غیرخوراکي مرستې ووېشلې
د سرپل ولایت له پېښو سره د مبارزې آمادګۍ ریاست له خپلو شته امکاناتو څخه په ګټې اخیستنې سره ۴۰ کورنیو ته چې د زلزلې او اورلګېدنې له امله زیانمنې شوې وې، له سروې وروسته خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې له یادې جملې ۵ کورنیو ته چې کورونه یې په بشپړ ډول ویجاړ شوي وو، هرې کورنۍ ته یو باب خیمه، دوه بورۍ غنم، دوه پاکټه مکروني، ۱۰ کیلو بوره او ۳۵ نورو کورنیو هرې یوې ته دوه بورۍ غنم، دوه پاکټه مکروني او ۱۰ کیلو بوره ووېشل شوه.
نېټه:۱۴۴۷/۶/۱۹ هـ ق
له پېښو سره د مبارزې آمادګۍ ملي اداره
