د سمنګان ولایت له پېښو سره د مبارزې آمادګۍ ریاست ۱۰۹۱ زلزله ځپلو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د WHH مؤسسې ترمنځ د لاسلیک شوي هوکړه لیک له مخې، د سمنګان ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت په خلم او حضرت سلطان ولسوالیو کې وروستۍ زلزله ځپلو ۱۰۹۱ کورنیو ته له سروې وروسته نغدي مرستې ووېشلې.
په دې لړۍ کې د مسؤلینو په شتون کې، د خلم ولسوالۍ ۷۳ کورنیو هرې یوې ته ۱۳،۴۰۰ افغانۍ او ۴۶۲ کورنیو هرې کورنۍ ته ۱۱،۱۳۵ افغانۍ د حضرت سلطان ولسوالۍ ۳۷ کورنیو هرې یوې ته ۱۳،۴۰۰ افغانۍ او ۵۱۹ کورنیو هرې یوې ته ۱۱،۱۳۵ افغانۍ ووېشل شوې، چې ټولټال د یاد شمېر کورنیو لپاره لس میلیونه او نه سوه او شپږ دیرش زره او نه سوه او پنځه څلویښت (۱۰،۹۳۶،۹۴۵) افغانۍ ځانګړې شوې وې.
د یادونې وړ ده، چې د دې ولایت په کچه وروستۍ زلزله ځپلو کورنیو ته د مرستو رسولو لړۍ روانه ده.
نېټه: ۱۴۴۷/۷/۱١ هـ ق
له پېښو سره د مبارزې آمادګۍ ملي اداره
